Експлозија е спречена на Клиниката за пулмологија во Скопје откако пациент, сместен во соба за кислородна поддршка ја извадил маската преку која примал кислород и запалил цигара, соопшти Министерството за здравство. Поради проток на кислород во собата дошло до пожар и пациентот добил помали изгореници на лицето и градите.

„Дежурниот медицински персонал брзо реагирал, дотокот на кислород навреме бил исклучен со што била спречена експлозија. Од Клиниката случајот e пријавен во полиција, а повредениот пациент кој го предизвикал пожарот нема животозагорзувачки повреди. Во пожарот нема други повредени, а од болничката соба оштетен е мал дел од подот“, соопшти Министерството.