Стопиран е увозот на киви од Србија бидејќи е најдено присуство на ларви и инсекти. Од Агенцијата за храна и ветеринарство велат дека инспектор за храна неделава забранил увоз на 22,34 тони киви, наменети за индустриска преработка.

„Станува збор за увоз од Република Србија. Со органолептички преглед од страна на инспектор за храна е утврдено дека пратката не е безбедна за увоз и за понатамошна преработка“, велат од Агенцијата за храна и ветеринарство.

На увозникот му е издадено решение со наредба за нештетно уништување на спорните количини киви, по добиеното известување од негова страна дека пратката не може да се врати во земјата-извозник.