Pajisja eksplozive e cila ishte gjetur të martën në njërin prej korridoreve të Parlamentit, nuk ka qenë e vendosur më 27 prill, por disa ditë pas sulmit të organizuar të Parlamentit, thonë nga burimet e Parlamentit.
“Përse është vendosur disa ditë pas sulmit të Parlamentit? Duket se dikush do të nxisë frikë dhe panik tek të punësuarit, pasi nëse me të vërtetë duan,lehtësisht mund të zbulohet se kush i ka vendosur, sepse ka kamera”, deklaruan të punësuarit për SAKAMDAKAZAM.

Një pjesë e të punësuarve me të cilën kemi biseduar thanë se kanë qenë të befasuar që sigurimi i Parlamentit ka gjetur një pajisje të improvizuar, pasi menjëherë pas sulmit të Parlamentit, më 27 prill, asnjëri nga të punësuarit nuk ka vënë re se ka pasur diçka të dyshimtë në korridoret.

Pajisja është gjetur në pjesën e kabinetit të spikerit. Burimet nga sigurimi i Parlamentit na kanë deklaruar që ajo nuk ka qenë e rrezikshme për jetë por ka mundur të shkaktojë panik dhe djegie tek ata që mund të kenë qenë në afërsi nëse do të kishte eksploduar. Të njëjtat burime thonë se kamerat e parlamentit kanë punuar dhe se nëse dikush ka dashur ka mundur të shikojë se kush e ka vendosur pajisjen.
Nga MVR kanë deklaruar se bëhet fjalë për petardë me fitil të ngjitur për një bocë plini për mbushjen e shkrepseve.

G. TËRPENOSKI