Mbajtja e maskave respirative, kirurgjike për një përdorim, tekstili disapërdorimshe, maskave të mëndafshit apo shalleve, shamive të pambukut etj nga sot bëhet e detyrueshme për të gjithë shtetin.
Ky vendim erdhi që kur Kuvendi miratoi ndryshimet e Ligjit për mbrojtje të popllsisë nga sëmundjet infektive. Shteti mbrëmë ka regjistruar numrin më të madh të të infektuarve me kovid-19, 870 nga 2.647 teste. Gjithsej të diagnostikuar në shtet nga fillimi i pandemisë janë 28.697, të shëruar 19.771, të vdekur 963, ndërsa raste aktive janë 7.963.

• Maskat duhet të mbahen kur dikush është në lëvizje në vende publike të hapura dhe të mbyllura, në pazar dhe në transport publik.
• Maskat duhet të mbahen kur dikush hyn në hapësira të mbyllura dhe institucione shtetërore, dyqane, markete, banka, posta, salla pritjeje, intitucione shëndetësore etj.
• Masat do të vlejnë kur dikush merret me aktivitet sportiv në vend të hapur apo të mbyllur me mbajtjen e protokolleve specifike të mbrojtjes, si dhe gjatë vozitjes së automjetetit nëse personi është vetëm ose me njerëz me të cilës bashkëjeton.
• Maska nuk duhet të mbahet kur dikush ndodhet brenda oborrit të shtëpisë së tij apo në restorane me respektimin e protokolleve të mbrojtjes.
• Masat për mbajtjen e maskave nuk vlejnë për persona më të rinj se mosha gjashtë vjeçare dhe për persona me nevoja të veçanta dhe pengesa në zhvillim.
• Për mosmbajtjen e maskave në të hapur është parashikuar dënim prej 20 eurosh.
• Ndalohet grupimi në hapësira publike, parqe dhe vende në të hapur dhe dënimi është 500 euro.
• Vetëizolimi bëhet i detyruar kur personi duhet të testohet për kovid-19 deri në ditën e marrjes së rezultatit. Nëse rezulton pozitiv, atëherë vetëizolimi vazhdon.
• Për shkelësit e këtij neni të Ligjit parashikohet dënim prej 50 eurosh.