Në seancën e sotme të Këshillit të Ohrit, këshilltarët nuk e pranuan propozimin për pezullimin e përkohshëm të procesit për vërtetim të statusit ligjor të objekteve të paligjshme, gjë me të cilën pjesësisht do të vazhdonte moratoriumi për sjelljen dhe zbatimin i planeve urbanistike, të sjellë në qershor të vitit të kaluar.
Propozimi i kryetarit Konstantin Georgievski për statusin juridik të ndërtesave të ndërtuara në mënyrë të paligjshme dështoi pasi kundërshtuan me votën e tyre këshilltarët e VMRO-DPMNE-së, si dhe tre këshilltarë të koalicionit të LSDM-së, mes të cilëve edhe një këshilltarë nga BDI-ja. Njëri prej tyre është Nefi Usaini, pronar i një ndërmarrje ndërtimi që ka ndërtuar disa ndërtesa të diskutueshme, duke përfshirë edhe tarracën e paligjshme të picerisë së tij te Çinari.
“Shumica e pikave të rendit të ditës kanë të bëjnë me miratimin e raporteve për punën e departamenteve dhe njësive komunale, ndërmarrjeve publike, shkollave dhe Njësisë territoriale zjarrfikëse. U miratuan të gjitha pikat e rendit të ditës, me përjashtim të atyre shtesë, të cilat përfshinin propozime për përgatitjen e dokumentacionit të planifikimit lokal urban në KK Dollno Lakoçerej për pezullimin e përkohshëm të procedurave për përcaktimin e statusit juridik të ndërtesave të ndërtuara pa leje dhe mënyrën e zbatimit të planeve ekzistuese urbane”, njoftuarn nga Komuna e Ohrit.
Moratoriumi për miratimin dhe zbatimin e planeve urbanistike u miratua me rekomandimin e Qeverisë deri sa të miratohet Plani për Menaxhim të Trashëgimisë Natyrore dhe Kulturore. Moratoriumi në Ohër ishte i vlefshëm për gjashtë muaj dhe skadoi në shkurt, ndërsa Qeveria miratoi Planin e Menaxhimit të Trashëgimisë Natyrore dhe Kulturore Botërore në rajonin e Ohrit (2020-2029) më 21 Janar. Me anë të planit të Qeverisë sigurohet zbatimi i të gjitha rekomandimeve të UNESCO-s.
“Plani përshkruan aktivitetet e ndaluara në zonat e përcaktuara dhe identifikon planet specifike të ardhshme dhe hulumtimet e nevojshme për të siguruar zhvillimin e qëndrueshëm të zonës. Masat e propozuara do të forcojnë aftësinë institucionale për menaxhimin e qëndrueshëm të trashëgimisë natyrore dhe kulturore botërore në rajonin e Ohrit”, tha qeveria në atë kohë.
Me anë të planit për administrimin e trashëgimisë kulturore dhe natyrore në Rajonin e Ohrit, përcaktohet një zonë të rreptë mbrojtëse në vijën bregdetare rreth së cilës nuk lejohet ndërtimi, dhe gjithçka që është bërë deri më tani në këtë zonë do të vihet nën kontroll, tha Ana Petrova, sekretare e shtetit në ministrinë e mjesidit jetësor më 2 tetor, kur plani u paraqit dhe u lëshua në një seancë dëgjimore dy-mujore.
“Plani është një pjesë shumë e rëndësishme e rekomandimeve nga qendra e UNESCO-s. Pasi të miratohet, moratoriumi i deklaruar mund të përfundojë. Sfida me parashikimet e planit është të vendoset një urbanizim i kontrolluar. Ne e bëjmë këtë me zonimin e duhur, me zonën e parë të rreptë mbrojtëse në bregdet me gjerësi prej 50 metrash, e llogaritur nga kufiri i parcelës kadastrale, gjegjësisht nga Liqeni i Ohrit. Kjo zonë mundëson që çdo vend që është i paprekur të mos ndërtohet, dhe gjithçka që ka pësuar një transformim do të vihet nën kontroll”, tha atëherë Petrova.
D. ÇUBRIQ
