Pas dy vonesave, nga 8 shtatori i vitit të kaluar, sot filloi gjykimi për zjarrin në spitalin modular të kovidit në Tetovë në Gjykatën Themelore të Tetovës.  Zyra e prokurorit publik, pas një hetimi që zgjati pothuajse një vit, paditi tre individë: Florin Besimin, drejtor i atëhershëm i Spitalit Klinik në Tetovë, Artan Etemin, drejtor i atëhershëm i financave të spitalit dhe Boban Vuçevskin, mjek i spitalit. Një padi u ngrit gjithashtu kundër Spitalit Klinik në Tetovë si njësi ligjore.

Në fillim të gjyqit, të tre të pandehurit dhe përfaqësuesi i Spitalit Klinik si njësi ligjore thanë se e kuptojnë akuzën por nuk ndjehen fajtorë dhe të pandehurit Florin Besimi dhe Artan Etemi thanë se në interes të gjyqit sa më parë të jetë e mundur, ata do të mbrohen në procedimet përpara gjykatës duke folur në maqedonisht.

Në fillim të gjyqit, avokatët e të pandehurve dorëzuan prova dhe një listë dëshmitarësh mbrojtës në gjykatë. Avokatët u ankuan gjithashtu se nuk kishin njohuri të plotë mbi provat në formë elektronike dhe një nga avokatët u ankua se ai nuk mund të merrte një kopje të padisë, sepse gjykata i kishte thënë  se makina fotokopjuese nuk punonte. Gjykata i hodhi poshtë këto kundërshtime dhe kur prokurori publik filloi të lexonte provat, avokatët e të pandehurve reaguan përsëri dhunshëm, pasi ai filloi të lexonte vetëm listën e provave, ndërsa ata kërkuan leximin e plotë të çdo prove.

Pasi gjykatësi Jordan Vellkov i kërkoi prokurorit publik që të vazhdojë leximin e listës së provave, avokatët pas çdo prove të lexuar kundërshtuan mënyrën e paraqitjes së provave dhe se nuk ishin në formën e kërkuar. Ata reaguan gjithashtu ndaj leximit të provave nga prokurori publik duke thënë se ai po lexonte material dëshmues që ata fare nuk e kishin.

Me qëllim që të shmanget vonimi i procedimeve për shkak të ndërhyrjeve të shpeshta të avokatëve të të akuzuarve në mohimin e provave të ofruara, prokurori publik pranoi dhe gjykatësi Vellkov pezulloi seancën kryesore. Vazhdimi është planifikuar për në 27 dhjetor.

Z. ANDONOV