“Gjelbërimi nuk është prioritet në këtë plan, ja ku e kemi Parkun e Qytetit. Ne duam parcela më të mëdha për të siguruar banesat për fëmijët tanë”, thanë qytetarët në prezantimin e sotëm publik të Planit i Detajuar Urbanistik Gradska çetvrt 3 12 -lokaliteti Parku 1 dhe një pjesë e  Debar Maalos 2 .

Plani që u prezantua sot në Komunën e Qendrës, i referohet sipërfaqes së parkut në pjesën e barakave të Qytetit të Shkupit deri te stadiumi “Todor Proeski”, si dhe pjesa e Debar Maalos, nga parku deri te ndërtesa e Qeverisë.

PDU i ri përcakton që në barakat e Qytetit të Shkupit, në vend të një ndërtese afariste pesë-katëshe, të ketë një parkim montues me terrene sportive në çati. Në vend të barakave të Gjykatës së kundërvajtjes, plani i vjetër parashikonte ndërtimin e dy ndërtesave. Tani ato shenja janë fshirë dhe ajo pjesë do të jetë gjelbrim. Te salla “Partizani” janë parashikuar një shkollë dhe një kopsht fëmijësh. Shenja te “Kermes” mbetet me një lartësi maksimale prej 7.9 metrash, gjegjësisht kati përdhes plus një kat. Lartësia e restorantit “Opatija” është zvogëluar. Ai më parë kishte një kat përdhes plus tre kate dhe tani ka katin përdhes dhe një kat sipër.

Ndërtesat e banimit ruajnë gjendjen ose lartësinë e tyre aktuale, por zvogëlojnë madhësinë e parcelës ndërtimore.  Kjo do të thotë që parcela e ndërtesës në të cilën mund të ndërtohet objekti do të jetë 70 përqind, dhe hapësira tjetër duhet të jetë për gjelbërim dhe parkim. – Nga prezantimi publik i PDU-së në Komunën e Qendrës. Plani gjithashtu parashikon që distanca nga një ndërtesë në tjetrën është të paktën 6 metra.

Është pikërisht kjo zgjidhje që ka zemëruar qytetarët që po kërkojnë të rritin parcelat dhe katet e tyre, se ata tashmë kanë paraparë marrëveshje me investitorët dhe nuk kanë nevojë për gjelbërim.

“Ku keni parë në botë në qendër të qytetit midis ndërtesave të ekzistojë një distancë dhe shfrytëzim i parcelës deri në 70 përqind.  Kudo objektet janë ngjitur njëri me tjetrin.  Ne nuk duam gjelbërim, kemi një park aty pranë, duam zhvillim që të mund t’u lënë bandesa fëmijëve.  Ne nuk kemi nevojë për hapësira parkimi, investitorët do të bëjnë parkim nëntokësor nën ndërtesa. Ne nuk e duam këtë plan, tërhiqeni atë, bërtisnin qytetarët para zyrave të Komunës së Qendrës kur u preantuar plani.

“Ju të gjithë dëshironi të keni një vend parkimi, dhe nuk doni të hiqni dorë nga një pjesë e truallit tuaj, ju të gjithë dëshironi ajër të pastër, ndërsa këtu po kërkoni të keni më shumë kate.” tha Biljana Naskovi1, drejtuese e departamentit të urbanistikës dhe planifikimit në komunën e qendrës.

Sondazhi publik për planin zgjat deri më 31 janar, kur qytetarët mund të plotësojnë fletëvotimet me vërejtjet e tyre.

A. ANTEVSKA