Лука Циндриќ беше стрелец на решавачкиот гол за Вардар во победата од 26:25 против Барселона во полуфиналето на фајнл форот од ракометната Лига на шампиони во Келн. Хрватскиот ракометар, кој беше прогласен за МВП на натпреварот, кажа дека одат чекор по чекор кон остварување на сонот, но ќе биде тешко против Пари Сен Жермен во утрешното финале.

„Одиме чекор по чекор и еве тука сме, во финалето. ПСЖ има навистина квалитетни играчи и сигурно ќе биде многу тешко. Ни останува да се одмориме вечерва и потоа да се обидеме да победиме и утре“, рече Циндриќ по мечот.

Утрешното финале е со почеток од 18 часот.