Авион на американската авиокомпанија „Делта ер лајнс“ се преврте при слетувањето на аеродромот во Торонто, но властите велат дека нема загинати.

„Се случи несреќа при слетувањето на авион на ‘Делта ер лајнс‘ што доаѓаше од Минеаполис. Итните служби се на терен. Сите патници и членови на екипажот се контактибилни“, соопшти аеродромот „Пирсон“, каде што се затворени сите писти поради несреќата.

Американската сојузна управа за воздухопловство соопшти дека во авионот имало 80 луѓе и сите безбедно биле евакуирани.

Полицијата засега нема информации под какви околности се случила несреќата, во која според локалните медиуми има осуммина повредени, од кои тројца потешко.