Италијанските власти уапсија девет лица поврзани со три добротворни организации под сомнение дека собрале милиони евра за палестинската милитантна група Хамас, соопштија обвинителите за антитерористички активности. Осомничените се обвинети дека испратиле околу 7 милиони евра до „здруженија со седиште во Газа, палестинските територии или Израел, во сопственост, контролирани или поврзани со Хамас“, се вели во соопштението.

Меѓу уапсените е и Мохамед Ханун, претседател на Палестинското здружение во Италија, соопштија обвинителите и рекоа дека е „шеф на италијанската ќелија на организацијата Хамас“.

Европската унија го стави Хамас на својата листа на терористички организации.

Според италијанските обвинители, кои соработувале со други земји од ЕУ во истрагата, нелегалните средства биле доставени преку „триангулациски операции“ преку банкарски трансфери или преку организации со седиште во странство до здруженија со седиште во Газа, кои се прогласени за нелегални од Израел поради нивните врски со Хамас.

Во јануари 202 година, Европскиот совет одлучи да ги продолжи постојните рестриктивни мерки против 12 лица и три субјекти кои го поддржуваат финансирањето на Хамас и Палестинскиот исламски џихад.