ХАМАС ДА ГИ ПУШТИ СИТЕ ЗАЛОЖНИЦИ ДО САБОТА НАПЛАДНЕ ИЛИ ЌЕ СЕ СООЧИ СО ПЕКОЛ, КАЖА ТРАМП

    ХАМАС ДА ГИ ПУШТИ СИТЕ ЗАЛОЖНИЦИ ДО САБОТА НАПЛАДНЕ ИЛИ ЌЕ СЕ СООЧИ СО ПЕКОЛ, КАЖА ТРАМПТрамп изрази фрустрираност од состојбата на последната група ослободени заложници (Фото: АП)

    Доналд Трамп изјави дека Хамас би требало да ги ослободи сите заложници до сабота напладне или ќе се соочи со пекол. Тој смета дека примирјето во Газа треба да биде откажано ако Хамас не го послуша неговиот предлог.

    Во разговор со новинарите во Белата куќа, Трамп изрази фрустрираност од состојбата на последната група ослободени заложници и од објавата на Хамас дека прекинува со ослободувањата.

    Ако сите заложници не бидат вратени до сабота во 12 часот, тогаш нека го прекинат примирјето и нека избие пекол. Мислам дека треба да бидат вратени до 12 часот в сабота“, кажа Трамп.

    Тој нагласи дека сака заложниците да бидат пуштени сите одеднаш, а не по неколкумина како досега.

    Хамас и Израел повремено разменуваа заложници и палестински затвореници од 19 јануари, но Хамас синоќа го обвини Израел за кршење на договорот за примирје и објави дека ја одложува следната размена, која беше планирана за сабота. Израелскиот министер за одбрана Израел Кац потоа ѝ наложи на војската да биде спремна за „секое можно сценарио во Газа“.

    Намерно излеговме со нашата објава пет дена пред планираното пуштање на заложниците, за да им се даде доволно време на посредниците да извршат притисок врз Израел да ги исполни своите обврски“, соопшти Хамас.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира