Претседателот Јовери Мусевени е прогласен за победник на изборите во Уганда, продолжувајќи го своето четиридецениско владеење за уште пет години. Изборната комисија објави дека тој освоил 72% гласови, а неговиот главен противкандидат Боби Вајн 25%.

Поранешниот поп-пејач обвини за местење на изборите и ги повика своите поддржувачи на ненасилни протести. Тој кажа дека ноќеска избегнал апсење од безбедносните сили и сега се крие.

Изборите беа обележани со насилства, во кои, според Вајн, загинале 21 лице, а властите го исклучија интернетот во земјата, со цел, како што кажаа, да се спречат ширење дезинформации, измама и поттикнување насилство.

Осумдесет и едногодишниот Мусевени дојде на власт како бунтовнички лидер во 1986 и оттогаш седумпати победи на избори. Во меѓувреме го промени уставот двапати за да си обезбеди неограничен мандат.