„Јунајтед ерлајнс“ објави дека нарачал 100 авиони „боинг 787 дримлајнерс“ и уште 100 авиони „737 Макс“, со цел да одговори на постпандемискиот раст и да ги замени старите, помалку ефикасни авиони.

Нарачката на авиокомпанијата од Чикаго е вредна 43 милијарди долари и претставува голем поттик за американскиот производител на авиони, кој се соочи со политички и производствени проблеми оваа година.

Од 100-те авиони „737 Макс“, 44 треба да бидат испорачани меѓу 2024 и 2026 и уште 56 во 2027/28. „Јунајтед“ сега има нарачано вкупно 443 авиони „Макс“.

До крајот на 2032 година, „Јунајтед“ очекува да добие 700 нови авиони.