Петнаесетгодишниот син на чеченскиот лидер Рамзан Кадиров, кој оваа година беше снимен како претепува затвореник, е назначен за еден од главните телохранители на својот татко. Адам Кадиров, кој овој месец ќе наполни 16 години, беше фален од соработниците на чеченскиот лидер за неговата храброст.
Во септември, Рамзан Кадиров објави видео на кое неговиот син тепа затвореник обвинет за палење на Коран. Видеото предизвика широка осуда, дури и од некои тврдокорни поддржувачи на Кремљ.
Кадиров во тоа време кажа дека се гордее со својот син зашто „ги прифатил зрелите идеали на чест, достоинство и одбрана на неговата религија“.
Замид Чалаев, висок функционер за безбедност, изјави дека Адам Кадиров е назначен за шеф на одделот за обезбедување на чеченскиот лидер, со што фактички станал еден од неговите главни телохранители.
Руската новинска агенција РИА минатиот месец објави дека Адам Кадиров бил одликуван со орденот Херој на Чеченија.
