Доналд Трамп ја критикуваше насловната страница на новото издание на магазинот „Тајм“, посветено на неговиот дипломатски успех во Газа, опишувајќи ја како „најлоша во историјата“. Тој го пофали напишаното, но се пожали на фотографијата со која е прикажан на насловната страница.

Трамп е фотографиран оддолу, додека сонцето му е над главата.

„Резултатот е суперлош. ‘Тајм‘ напиша релативно добра приказна за мене, но фотографијата е можеби најлоша во историјата. Ми ја исчезнаа косата и нешто како да лебди над мојата глава, можеби круна, ама мала. Навистина чудно! Никогаш не сум ги сакал сликите од тој агол, но оваа е суперлоша и заслужува да биде повлечена. Зошто го прават тоа?“, напиша Трамп на својата социјална мрежа.

Фотографијата придружена од насловот „Неговиот триумф“ е снимена во Белата куќа на 5 октомври. Трамп лани се појави четирипати на насловната страница на „Тајм“.