Либан го ослободи Ханибал Гадафи, најмладиот син на соборениот либиски лидер Моамер Гадафи, по речиси 10 години притвор без судење.

Либанските власти го уапсија 49-годишниот Гадафи во 2015, обвинувајќи го за прикривање информации за судбината на либански шиитски свештеник, кој исчезна во Либија во 1978 година, кога Ханибал имал само две години. Групите за човекови права ги осудија обвинувањата. Исчезнувањето на шиитскиот свештеник Муса ал-Садр е извор на тензии помеѓу Либија и Либан со децении.

Адвокатот на Гадафи, Лоран Бајон, изјави дека е платена кауција од 900.000 долари.

„Ова е крај на кошмар што траеше 10 години. Ако Гадафи можел произволно да биде притворен во Либан 10 години, тоа е затоа што правосудниот систем не бил независен“, изјави Бајон.

Во октомври, судијата одреди кауција од 11 милиони долари за ослободувањето на Гадафи, но таа беше намалена минатата недела по жалбата на неговите адвокати. Бајон рече дека неговиот клиент ќе го напушти Либан кон „доверлива“ дестинација.

Гадафи беше киднапиран од вооружена група во Либан во 2015 пред да биде ослободен. Подоцна беше приведен од либанските власти. Откако неговиот татко беше соборен од бунтовниците и убиен во 2011, тој избега во Сирија, а потоа живееше во домашен притвор во Оман.