Украина има останато околу 30 дена за контраофанзивата против руската армија пред да дојде лошото време, вели началникот на генералштабот на американската армија Марк Мајли.

Американскиот генерал вели дека ладното време ќе ги отежни маневрите на украинската армија. Тој призна дека контраофанзивата оди побавно од очекуваното, но додаде: „Сè уште се водат тешки борби. Украинците сè уште напредуваат“.

Генералот Мајли вели дека е прерано да се каже контраофанзивата е неуспешна.

„Има уште значително време, веројатно 30 до 45 дена со добро време, така што Украинците не се готови“, рече Мајли.

Украинската контраофанзива, која почна летово и има за цел да ја ослободи украинската територија под руска окупација, досега даде малку резултати. Но, украинските генерали велат дека ја пробиле првата одбранбена линија на југот.