Плен во вредност од околу 30 милиони евра е украден при грабеж во банка на „Шпаркасе“ во западногерманскиот град Гелзенкирхен. Истражителите велат дека крадците провалиле во околу 3.200 сефови.

Погодени се повеќе од 2.500 клиенти, што го прави ова еден од најголемите банкарски грабежи во модерната германска историја.

Провалата била откриена рано во понеделникот откако бил активиран противпожарниот аларм. Околу 200 загрижени клиенти денеска се собраа пред филијалата барајќи информации за своите вредни предмети, а некои се обиделе насилно да влезат во банката.

Според полицијата, сторителите провалиле во голем број сефови во трезорот на штедилницата. Првичните сознанија покажуваат дека тие пристапиле до зградата преку паркинг-гаража. Откако стигнале до просторијата на архивот, направиле дупка во ѕидот за да стигнат до трезорот, користејќи специјализирана дупчалка.

Засега нема осомничени за грабежот.