Исак Андик, милијардерот основач на шпанскиот моден бренд „Манго“, загина во инцидент додека истражувал пештери близу Барселона.

Шпанските медиуми јавија дека 71-годишникот паднал во провалија додека се искачувал во пештери во планината Монсерат во саботата. Андик бил со неговиот син и други членови на семејството кога паднал, според весникот „Ел Паис“.

Андик, кој е роден во Турција, го основаше „Манго“ со помош на брат му Нахман во Барселона во 1984 година и сега брендот има речиси 3.000 продавници во 120 земји.

Според „Форбс“, неговото богатство изнесува 5,4 милијарди долари.