Поранешниот хрватски премиер Иво Санадер и уште двајца обвинети во случајот „Планинска“ се прогласени за виновни од судот во Загреб четири години по почетокот на судењето. Санадер е осуден на четири и пол години затвор и со оглед на тоа што казната е помала од пет години, нема да мора веднаш да оди во затвор, туку ќе почека на правосилноста на пресудата.

Стефан Фиолиќ и Младен Млинаревиќ се осудени на по една година затвор, но нема да одат во затвор, бидејќи нивната казна е заменета со општествено корисна работа.

Покрај затворската казна, на Санадер ќе му бидат одземени 2,3 милиони евра, кои ги примил од Фиолиќ во неговиот дом , а заедно со Фиолиќ и неговите компании ќе треба да ѝ врати на Хрватска уште два милиони евра.