Најмалку шест луѓе загинаа откако потона туристичка подморница покрај брегот на Египет. Уште девет лица се повредени во несреќата, што се случи кај популарната туристичка дестинација Хургада. Властите кажаа дека четворица од повредените се во критична состојба.

Во подморницата на компанијата „Синдбад“ имало 45 туристи, вклучувајќи деца, кога потонала близу пристаништето. Руската амбасада во Каиро потврди дека најмалку четворица од загинатите се руски државјани, додавајќи дека сите патници биле Руси.

Причината за потонувањето е непозната, а властите засега не го потврдија конечниот број мртви.

„Најголемиот дел од патниците се спасени и превезени во нивните хотели или во болниците во Хургада. Нивната состојба не е загрижувачка“, кажаа локалните власти.

Локалните медиуми објавија дека „Синдбад“ организира туристички тури со години и располага со две рекреативни подморници, кои овозможуваат нурнување 25 метри под површината на морето.