Ретка бела ајкула е фатена во Јадранското Море покрај брегот на Црна Гора, а потоа пуштена, објави Институтот за морска биологија во Котор. Риболовецот Гојко Митровиќ испратил фотографија од својот улов до Институтот, кој ја објави на својата фејсбук страница.

Реткиот улов се случил на 23 јуни, на 12 километри од брегот на длабочина од 115 метри. Белата ајкула била млада, според институтот.

Иако белите ајкули се присутни во Медитеранот, ретко се гледаат во Јадранското Море. Видот се смета за загрозен од Меѓународната унија за зачувување на природата (ИУЦН).

Млада бела ајкула последен пат е фатена во Јадранското Море во 2023. Но, во тоа време, таа била продадена на хрватски рибен ресторан.