Кремљ објави дека никогаш нема да разговара за размена на украинската територија што моментално ја држи Русија за областите во Курск окупирани од украинските сили.

Ова следува откако Володимир Зеленски кажа дека ќе ѝ предложи на Москва размена на територии, со цел да се стави крај на војната. Украина повеќе од шест месеци контролира делови од западниот руски регион Курск, и покрај тоа што напомош на Русија ѝ дојдоа 11.000 севернокорејски војници.

Портпаролот на Кремљ, Дмитри Песков, категорички ги одби сите понуди за размена на територии.

„Тоа е невозможно. Русија никогаш не разговарала, ниту ќе разговара за размена на својата територија. Украинските сили ќе бидат истерани од Курск. Оние кои не се уништени ќе бидат истерани“, кажа Песков.

Русија контролира нешто помалку од 20% од Украина, односно околу 112.000 квадратни километри, додека Украина држи 450 квадратни километри во Курск.