Руските сили целосно го контролираат градот Вугледар, кој досега важеше за еден од украинските бастони во регионот Доњецк. Проруски воени блогери и еден украински функционер велат дека руските сили навлегле во центарот на целосно уништениот град, кој им одолеваше на руските напади повеќе од две години.
„Непријателот е речиси во центарот на градот“, изјави украинскиот гувернер на Доњецк, Вадим Филашкин.
Вугледар е рударски град кој пред војната имал 14.000 жители и беше тежок за освојување зашто се наоѓа на висорамнина. Градот е сместен на пресекот на источниот и јужниот фронт, што му дава важност во снабдувањето на двете војски.
Познатиот руски канал на Телеграм, Рибар, објави дека Русите го освоиле градот, што би можело да го забрза нивното напредување во Доњецк.
Борбите за Вугледар особено се засилија во почетокот на 2023, при што голем руски обид да се заземе градот во февруари 2023 завршил со тежок пораз.
