На руската економија ќе ѝ биде потребна деценија за да закрепне од строгите санкции кои што ѝ беа наметнати по инвазијата на Украина, вели шефот на најголемата руска банка „Сбербанк“.
Враќањето на нивото од пред санкциите може да потрае 10 години бидејќи земјата е отсечена од половина од трговијата што ја имаше, кажа Херман Греф, извршен директор и претседател на управниот одбор на „Сбербанк“.
Според него, земјите кои ги прекинаа своите врски со Русија се одговорни за 56 отсто од рускиот извоз и 51 отсто од рускиот увоз, што предизвикува значителна штета на руската економија.
„Тоа е закана од 15 отсто за бруто домашниот производ на земјата. Голем дека од економијата е под закана“, кажа Греф, зборувајќи на меѓународниот економски форум во Санкт Петерзбург.
Како резултат на санкциите и „ако не направиме ништо, ќе ни биде потребна цела деценија за да ја вратиме економијата на нивото од 2021 година“, додаде Греф.