Невообичаено силна сончева бура што ја погоди Земјата произведе неверојатна поларна светлина на небото низ северната хемисфера. Сѐ уште нема извештаи за прекини во напојувањето и комуникациите.  „Би-Би-Си“ објави дека виолетови светла се забележани во Германија, Австрија, Швајцарија, Данска, Полска и во Кина.

Американската Национална океанска и атмосферска администрација (НОАА) издаде предупредување за ретко тешка геомагнетна бура кога сончев излив стигна до Земјата вчера попладне, неколку часа порано од предвиденото. Ефектите на поларната светлина, кои беа доста јасни во Велика Британија, се очекува да траат преку викендот, а можеби и следната недела. НОАА ги предупреди операторите на електрани и вселенски летала во орбитата, како и Федералната агенција за управување со вонредни состојби, да преземат мерки на претпазливост.

„За повеќето луѓе овде на планетата Земја, тие нема да мора да прават ништо“, рече Роб Стинбург, научник од Центарот за прогнозирање на вселенски временски услови на НОАА.

Аурора бореалис во Швајцарија. (Фото: АП)

Бурата може да произведе поларна светлина на југот во САД како Алабама и Северна Калифорнија, соопшти НОАА. Но, беше тешко да се предвиди и експертите нагласија дека тоа нема да бидат драматичните прикази на бои кои вообичаено се поврзуваат со северната светлина, туку повеќе како прскање на зеленикави нијанси.

„Тоа е навистина подарок од вселената: Аурора бореалис“, рече Стинбург.

Најсилната сончева бура во историјата, во 1859, предизивика појава на Аурора бореалис во централна Америка, а можеби дури и на Хаваите.

„Ние не го очекуваме тоа, но може да е слично“, рече прогнозерот за временска прогноза на НОАА, Шон Дал.