Доналд Трамп потпиша извршна наредба со која го преименуваше Министерството за одбрана на САД во Министерство за војна. Според него, враќањето на името кое постоеше до 1940-тите има за цел да покаже сила и решителност. Новото име ќе мора да биде одобрено и од Конгресот.

Министерството за одбрана, кое ги надгледува американските вооружени сили, е наследник на Министерството за војна, кое постоело од 1789 до 1947 година, кога владата на Хари Труман го поделило на војска и воздушни сили и го споило со тогаш независната морнарица.

„Името Министерство за војна пренесува посилна порака на подготвеност и решителност во споредба со Министерство за одбрана, кое нагласува само одбранбени способности. Мислам дека новото име е многу посоодветно, со оглед на тоа каде се наоѓа светот во моментов“, рече Трамп.

Во наредбата се вели дека министерот за одбрана Пит Хегсет отсега ќе биде министер за војна.

„Ќе одиме во напад, не само во одбрана. Максимална смртоносна сила, а не млака легалност. Ќе подигнеме воини, не само бранители“, рече Хегсет.