Доналд Трамп најави дека САД ќе нарачаат нова серија тешко вооружени воени бродови именувани според него, како дел од новата „златна флота“. Изградбата на новиот брод од класата Трамп, што ќе биде способен да носи разни оружја, треба да почне наскоро, а првите пловила ќе бидат ставени во служба за две и пол години.

Објавата е дел од планираното поголемо проширување на американската морнарица со пловила со и без посада.

„Го одобрив почетокот на изградбата на два борбени брода, а планирани се 25 нови. Тие ќе бидат најбрзите, најголеми и 100 пати помоќни од сите борбени бродови досега изградени. Тие ќе бидат опремени со хиперсонични и крајно смртоносни оружја“, најави Трамп.

Тој додаде дека бродовите ќе се градат во САД, што ќе отвори илјадници работни места.

Официјални лица предупредија дека САД моментално заостануваат зад Кина во развојот на морнарицата и во производството на бродови. Над 60% од светските нарачки оваа година отидоа во кинеските бродоградилишта, а кинеската морнарица е веќе најголема во светот.