Во американската држава Њу Мексико во петокот се случи масовно пукање во кое загинаа три лица, а 14 беа повредени, според локалните власти.

Пукањето се случило во парк во градот Лас Крусес, околу 22:00 часот по локално време, објави полицијата на Лас Крусес на социјалните мрежи.

До саботата наутро немаше уапсени, но „активно се следат повеќе индиции“.

Во јавниот повик за сведоци и видео, одделот соопшти дека пукањето се случило на „собир на автомобили“ и „завршило со повеќе истрели и неколку погодени лица“.

Во пукањето загинаа двајца 19-годишни мажи и едно 16-годишно момче, соопшти полицијата.

Повредените во пукањето се на возраст од 16 до 36 години. Властите сè уште не ги објавија имињата на жртвите.

Полицијата одговорила на пријави за пукање и потенцијални жртви од огнено оружје во близина на паркингот околу 22:00 часот.

„Њујорк Тајмс“ објави дека настанот бил месечно собирање на ентузијасти за модифицирани спортски автомобили.