Володимир Зеленски му кажа на американскиот потпретседател Џеј-Ди Венс дека Украина сака вистински безбедносни гаранции пред да почне разговори со Русија за крај на војната. Тие се сретнаа на првиот ден на Минхенската безбедносна конференција, а состанокот се одржа во подрумот на хотел со пет ѕвезди.

„Имавме добар, плоден разговор, ова беше само првата средба. Она што ни треба е да разговараме повеќе, да работиме повеќе и да подготвиме план како да го запреме Путин и да ја завршиме војната“, кажа Зеленски по состанокот.

Тој додаде дека Украина многу сака мир, но ѝ требаат вистински безбедносни гаранции.

Венс кажа дека САД сакаат да постигнат траен, одржлив мир во Украина.

„Сакаме војната и убивањата да запрат. Сакаме траен мир, а не мир што ќе ја внесе Источна Европа во нова војна за неколку години. Важно е сите заедно да почнеме разговори“, изјави Венс, кој претходно во својот говор на конференцијата ги обвини европските лидери дека ја цензурираат слободата на говорот и не успеваат да ја контролираат имиграцијата.

Повикувајќи се на свои извори, Си-Ен-Ен објави дека Русија собира преговарачки тим од највисоко ниво, што ќе вклучи врвни политички, економски и разузнавачки поединци