Оваа година ќе има четворица добитници на наградата „11 Октомври“, највисокото признание во областа на науката, уметноста, стопанството и други дејности во Македонија.

Филологот Атанас Вангелов е награден за животно дело во областа на науката и образованието. Седумдесет и петгодишниот Вангелов бил професор на Филолошкиот факултет „Блаже Конески“ во Скопје, а работел и како новинар, преведувач, драмски автор и критичар.

За животно дело во областа на културата и уметноста, наградата им се доделува на академскиот сликар Павле Кузмановски, актерката Бедиа Бегова и на политиколот Махи Несими.

Врачувањето на наградите ќе се одржи на 11 октомври во 12 часот во Собранието.