Бугарската државна агенција за национална безбедност истражува многу сериозна шпионска мрежа во Бугарија, откри денеска бугарскиот премиер Кирил Петков. Дел од тие шпиони, како што кажа Петков, работат против постигнување договор со Македонија.

„Како што ми јавија, има руски агенти кои работат против разбирањето со Северна Македонија и да нема европска иднина за Западен Балкан“, изјави Петков.

Петков предупреди дека постои ризик Западен Балкан да стане втора конфликтна точка, поврзана со војната во Украина. 

„Најлошо е што Западен Балкан повторно е регион со висок ризик на нестабилност, политичка и секаква“, додаде Петков.