Осомничениот Н.Н., кој вчера беше приведен од полицијата поради сомнеж за праќање на заканите со бомби во средните школи во Скопје, е пуштен. По направен информативен разговор и направен претрес во неговиот дом тој е пуштен, до целосно расчистување на случајот.

„Со лицето е извршен службен разговор, во координација со јавното обвинителство извршен е претрес во дом, одземени се предмети за вештачење и се преземаат мерки за расчистување на случајот”, велат од МВР.

Вчера по четврти пат во осум средни школи во Скопје беа испратени мејлови со лажни закани за поставена бомба.

А. АНТЕВСКА