Qytetarët të cilëve shteti u refuzoi të merrnin kompensim për shkak humbën dëgjimin, shikimin, gjymtyrët, u sëmurën rëndë dhe u bënë invalidë pasi kishin mbushur 65 vjet, tashmë do të jenë të barabartë me ata, të cilëve u kanë ndodhur fatkeqësi para moshës 65 vjeç. Në seancën e sotme, Gjykata Kushtetuese shfuqizoi nenin 44, paragrafin dy, në pjesën: “Më së voni deri në 65 vjet”, nga Ligji për Mbrojtjen Sociale.
Kjo dispozitë mbulon përdorimin e kompensimeve për shkak të aftësisë së kufizuar. Bëhet fjalë për një kompensim që mund të përdoret nga një person me aftësi të kufizuar intelektuale të rëndë ose të thellë, me paaftësi fizike më të rëndë, një person i cili është plotësisht i verbër ose një person që është plotësisht i shurdhër.
Gjykata e hodhi poshtë këtë dispozitë sepse kërcënon parimin bazë të barazisë së qytetarëve para Kushtetutës, pavarësisht nga natyra dhe karakteristikat personale të qytetarëve. Përveç kësaj, tha zëdhënësja Hristina Belovska, ajo bie ndesh me dispozitën themelore kushtetuese për sundimin e ligjit.
SAKAMDAKAZAM.MK vazhdimisht ka shkruar për këtë padrejtësi ndaj qindra qytetarëve të cilët kanë pasur rrethana fatkeqe që pas moshës 65 vjeçare të kenë një paaftësi të rëndë. Ata të cilëve u ndodh kjo para moshës 65 vjeç, sipas ligjit të padrejtë, mund të paraqesin një kërkesë dhe të marrin një kompensim për gjithë pjesën e mbetur të jetës. Ndërkohë personat mbi 65 vjeç, të cilët u bënë të verbër, të shurdhër apo me aftësi të kufizuara intelektuale dhe fizike, u refuzuan nga komisionet për procesin e mëtejshëm të përfitimit të shtesës për mobilitet.
S.K. DELEVSKA
- NËSE BËHENI TË VERBËR OSE ME AFTËSI TË KUFIZUARA NË MOSHËN 65 APO MË VONË, NUK MUND TË KËRKONI KOMEPNSIM PËR AFTËSI TË KUFIZUARA, AVOKATI I POPULLIT I PËRGJIGJET DISKRIMINIMIT
- PERSONAT QË KANE HUMBUR SHIKIMIN DHE DËGJIMIN, QË JANË TË LËNDUAR RËNDË DHE TË PALËVIZSHËM, SI DHE ATA ME AFËTSI TË KUFIZUARA TË RËNDA MENDORE, PAS MBYLLJES SË MOSHËS 65 VJEÇ, NUK KANË TË DREJTË NDIHME, AVOKATI I POPULLIT KËRKON NDRYSHIM TË LIGJIT
