Манифестацијата „Десет дена Крушевска Република“, како дел од чествувањето на 120-годишнината од Илинден, 2 Август – Ден на Републиката, синоќа на платото пред споменикот Македониум на Гумење отвори со танц на класиката „Болеро“ од Морис Равел. Настапи ансамбл на Националната опера и балет (НОБ) со костим на стилизирана комитска облека.

Празникот годинава се одбележува под слоганот „120 години Илинден – Огниште на татковината“.

Премиерот Димитар Ковачевски говореше на отворањето на манифестацијата и кажа дека „илинденците и асномците нѐ задолжија секојдневно, јасно и уверено, да продолжиме, многу побрзо и подобро од досега, по европскиот пат, како пат кој го зачувува историскиот, културниот и јазичниот идентитет, ја зајканува нашата позиција надвор, но најважно од сѐ ја зацврстува, модернизира и подобрува сегашната држава“.

Во културно-уметничката програма меѓу другите настапија и рок-ветераните, групата „Зијан“, Сузана Спасовска, Андријана Јаневска, Биг бендот на здружение на џез музичари на Македонија, Џон Апелгрин.

Вчера, Владата ја прогласи манифестацијата „Десет дена Крушевска Република“ за национална установа.