Двајца американски туристи биле фатени како спијат на Ајфеловата кула откако останале заглавени додека биле пијани, објавија обвинителите. Тие биле пронајдени од обезбедувањето вчера рано наутро.

Двајцата мажи платиле влез за да го искачуваат најпознатото париско обележје околу 22:40 часот во неделата и ги прескокнале заштитните огради додека се симнувале, кажа полицијата. Биле пронајдени во област која вообичаено е затворена за јавност меѓу второто и третото ниво на кулата.

„Тие веројатно останале заглавени зашто биле многу пијани“, изјавија од канцеларијата на парискиот обвинител.

Бил испратен посебен пожарникарски оддел за спасување на височини за да се извлечат Американците, поради што отворањето на кулата било поместено од вообичаените девет часот.

„Тие не претставуваа никаква закана, но против нив сепак ќе биде поднесена кривична тужба“, изјави операторот на Ајфеловата кула, „Сете“.