„Ферари“ почна да прифаќа плаќање во криптовалута за своите луксузни спортски автомобили во САД и ќе ја прошири шемата во Европа по барањата на своите богати клиенти, изјави шефот за маркетинг и комерцијала на компанијата. Огромното мнозинство високопрофилни компании не прифаќаат крипто, бидејќи нестабилноста на биткоинот и другите криптовалути ги прави непрактични за трговија.

Непреченото регулирање и високата употреба на енергија, исто така, го спречија ширењето на криптото како средство за плаќање. Тука спаѓа и производителот на електрични автомобили „Тесла“, кој во 2021 почна да прифаќа плаќање во биткоин, најголемата крипто валута, пред извршниот директор Илон Маск да го прекине поради еколошки причини.

Главниот маркетинг и комерцијален директор на „Ферари“ Енрико Галиера, изјави дека криптовалутите направиле напори да го намалат својот јаглероден отпечаток преку воведување нов софтвер и поголема употреба на обновливи извори.

„Нашата цел да постигнеме јаглеродна неутралност до 2030 година по целиот наш синџир на вредност е апсолутно потврдена“, рече тој.

„Ферари“ соопшти дека одлуката дошла како одговор на барањата од пазарот и дилерите, бидејќи многу од неговите клиенти инвестирале во крипто.

„Некои се млади инвеститори кои го изградија своето богатство околу криптовалутите“, рече тој. „Некои други се потрадиционални инвеститори, кои сакаат да ги диверзифицираат своите портфолија“, вели Галиера.

Додека некои криптовалути, како што е втората по големина, етер, ја подобрија својата енергетска ефикасност, биткоинот сè уште е критикуван за неговото енергетско интензивно ископување.

„Ферари“ во првата половина од оваа година испорача над 1.800 автомобили во регионот на Америка, кој ги вклучува и САД.