Извесен број неидентификувани дронови се забележани над три бази на британското воено воздухопловство, потврди британската армија.

Во инцидентите, кои се случиле помеѓу средата и петокот, биле забележани „мали неидентификувани воздушни системи“ над базите Лејкенхит и Милденхол во Сафолк и над базата Фелтвел во Норфолк.

Од британската армија не откриваат детали за дроновите и дали ги сметаат за непријателски.

Исто така, оттаму не кажуваат дали биле употребен одбранбени механизми, но велат дека го задржуваат правото да ги заштитат базите.

„Можеме да потврдиме дека мали беспилотни воздушни системи беа забележани над Лејкенхит, Милденхол и Фелтвел. Бројот на дроновите флуктуираше и тие беа со различна големина“, кажа армиски портпарол, додавајќи дека не коментира безбедносни процедури.

Во овие бази се стационирани најмодерните борбени авиони Ф-35А, како и Ф-15А.