Руски дрон го погодил штитот над оштетениот реактор во нуклеарната централа Чернобил, изјави украинскиот претседател Володимир Зеленски. Тој додаде дека во нападот бил предизвикан пожар, кој брзо бил изгаснат.

Меѓународната агенција за атомска енергија (ИАЕА) кажа дека нејзин тим ноќеска слушнал експлозија која дошла од пределот на четвриот реактор на централата, по што избувнал пожар.

„Нема назнаки дека има истекувања од реакторот. Нивото на радијацијата останува нормално и стабилно, но продолжуваме да ја следиме ситуацијата“, објави ИАЕА на Икс.

Директорот на агенцијата Маријано Гроси изјави дека остануваат во висока готовност по инцидентот.

Зеленски објави снимка која покажува оштетување на огромниот штит направен од бетон и челик, што ги покрива остатоците од реакторот кој остана без покривот по експлозијата во 1986 година. Овој штит има за цел да спречи истекување на радиоактивниот материјал во следните 100 години и чинеше 1,6 милијарди долари.