Центарот „Помпиду“ во центарот на Париз се затвори заради голема реконструкција, која ќе трае најмалку 5 години. Саудиска Арабија ќе учествува со 50 милиони евра во предвидените 463 милиони евра трошоци за реконструкцијата. Франција ќе покрие 283 милиони евра, а самата институција ќе покрие 180 милиони евра.

Уметничкиот и културен центар познат и како „Бобур“, кој беше отворен во 1977  и во кој се наоѓа познатиот национален музеј Музеј на модерна уметност, со години привлекува милиони посетители и има значајни изложби. Дополнителни простории ќе бидат создадени во поранешните подземни паркинзи на центарот, а на седмиот кат ќе се изгради голема тераса.

Со над 110.000 дела, Музејот на модерна уметност има една од најважните колекции на модерна и современа уметност во светот. Додека трае реконструкцијата, делата ќе бидат прикажани на изложби во други простори. Од крајот на 2026, тие ќе бидат изложени и во новиот Центар „Помпиду Франсилиен“ во јужното париско предградие Маси.