Четири месеци нема информации за потенцијалниот виновник за поморот на риба и загадувањето на реката Тополка, кое се случи летово. На денот на поморот рано утрото на 19 јуни, на местото на вливот на Тополка во Вардар беше и државниот еколошки инспектор од Кавадарци. Тој веднаш рече дека сите информации да се бараат од велешкото Јавно обвинителство. ОЈО Велес и по четири месеци не го добил нарачаното вештачење.
„Вештачењето е сѐ уште во тек, а целосниот извештај не е доставен со јавниот обвинител“, ни одговорија кратко од ОЈО Велес.
За поморот на риби алармираа велешките риболовци кои во тие моменти биле покрај брегот на реката. Имаше и бела пенеста материја која течеше по површината. Имаше угинато клен, мрена, кркушка. Поморот бил регистриран на реката Тополка од кај Затворот кај Оризари па низводно.
П. ПЕЧКОВ
