Пратеничката Јована Тренчевска и доктор Александар Трајановски се нови потпретседатели на СДСМ. Како што кажа лидерот на СДСМ Венко Филипче на денешната седница на Централниот одбор, избрано е новото раководство на партијата и членови на Извршниот одбор. Генерален секретар останува Александар Димитријевиќ, како и организациски секретар Љупчо Фармаковски.

„Овој тим влегува во храбра и одлучна борба против оваа ненародна, криминогена и корумпирана власт на ВМРО-ДПМНЕ, ВЛЕН и ЗНАМ. Ние сме тие кои ќе стават крај на политиката на изолација на државата. Ние сме тие кои ќе стават крај на криминалот и корупцијата во државата и на предавството на националните интереси на државата преку носење на мигранти“, рече Филипче.