Играч на американската лотарија Пауербол во Арканзас освои џекпот од 1,817 милијарди долари на вчерашното извлекување, со што заврши тримесечниот период без добитник на главната награда.

Добитните броеви беа 04, 25, 31, 52 и 59, а бројот на Пауебол беше 19. Конечната продажба на лозови го зголеми џекпотот повеќе од претходно очекуваното, што го прави втор по големина во историјата на САД и најголемата Пауербол награда за 2025 година. Џекпотот има опција за еднократна исплата во готово од 834,9 милиони долари.

Наградата следеше по 46 последователни извлекувања во кои никој не ги совпадна сите шест броеви. Последното извлекување со добитник на џекпот беше на 6 септември, кога играчите во Мисури и Тексас освоија 1,787 милијарди долари. Организаторите рекоа дека ова е втор пат џекпотот на Пауербол да биде освоен од лоз продаден во Арканзас. Првпат се случи во 2010.