Американски борбен авион „Ф-15Е“ е соборен над Иран и во тек се потрагата и спасувачката акција по преживеани, изјави американски функционер за „Ројтерс“, што е прв ваков потврден инцидент од почетокот на војната пред шест недели. Тој не даде други детали.

Иранската револуционерна гарда претходно објави дека соборила авион над островот Кешм во Ормускиот Теснец и дека американските воздухопловни сили го бараат пилотот со авиони, хеликоптери и извидувачки дронови.

Иранската државна телевизија објави дека е понудена посебна награда за фаќањето на пилотот.

Иранските сили претходно имаат погодено „Ф-35“, по што успеал безбедно да слета.