Академијата за филмска уметност и наука ќе им додели почесни Оскари на актерката Глен Клоуз, режисерот Ридли Скот, на првиот црномурест аниматор на „Дизни“, Флојд Норман, како и на продуцентките Кристин Вашон и Памела Кофлер.

Наградите ќе им бидат врачени на 17. издание на Гуверенерските награди на 15 ноември во Холивуд.

За Клоуз и Скот, оваа награда претставува долгоочекувано признание од Академијата, која ги номинирала повеќепати, но никогаш не им доделила Оскар за улогите и филмовите. Клоуз има осум актерски номинации и ниту една победа, што ја изедначува со Питер О’Тул, по бројот на актерски номинации без освоен Оскар, што е рекорд во историјата на овие престижни награди.

Скот има три номинации за режија и една номинација како продуцент за најдобар филм, но исто така никогаш не освоил Оскар,  и покрај тоа што неговиот „Гладијатор“ од 2000 година освои пет Оскари, меѓу кои за најдобар филм.

„Управниот одбор на Академијата е воодушевен што годинава ќе ги додели Гувернерските награди на петмина извонредни личности чие револуционерно творештво трајно ја обликуваше уметноста на филмското создавање“, изјави претседателката на Академијата, Линет Хаувел Тејлор.