Доналд Трамп ги прослави својот 80. роденден и 250. на Америка со екстравагантен ултимејт фајт настан на Јужниот тревник на Белата куќа, за што беше кренат кафез висок 28 метри. Трамп и илјадници други посетители гледаа како американскиот борач Џастин Гетје го победува шпанско-грузискиот предизвикувач Илја Топурија, освојувајќи ја титулата во лесна категорија на главниот меч од настанот.

На Јужниот тревник на Белата куќа, беше кренат кафез висок 28 метри (Фото: АП)

Околу 4.300 луѓе имаше на самиот настан, а се очекуваше уште 85.000 да го следат од фан-зона во соседен парк.

Вечерта почна со излегувањето на Трамп од Белата куќа во придружба на шефот на УФЦ, Дејна Вајт, додека воени авиони летаа над нив. На настанот настапија вкупно 14 борачи, но само Гетје и Топурија се бореа за титула.

УФЦ потрошил околу 60 милиони долари за настанот, вклучувајќи 700.000 долари за поправки на тревникот.