Триесетгодишен скопјанец е сосомичен дека го убил татка си со над 30 убоди со нож. Основното јавно обвинителство Скопје донесе Наредба за спроведување истражна постапка за кривичното дело Убиство според член 123 став 2 точка 2 од Кривичниот законик.

„Осомничениот 30-годишник, на 12 јули, со умисла го лишил од живот својот татко. Откако во домот дошло до расправија и физички напад меѓу таткото и мајката на осомничениот, синот зел нож и во дворот го нападнал таткото, нанесувајќи му повеќе од 30 убоди во вратот и градниот кош. Таткото починал на лице место. Во текот на истражната постапка, јавниот обвинител ќе преземе повеќе дејствија со цел прецизно утврдување на мотивите за настанот, а ќе биде извршено и психијатриско вештачење на осомничениот“, соопшти Обвинителството.

Јавниот обвинител предложи на осомничениот да му биде определена мерка притвор заради негово обезбедување во текот на кривичната постапката.