Енди Бернам на 20 јули ќе стане нов премиер на Велика Британија откако денеска беше избран за нов лидер на владејачката Лабуристичка партија. Тој ќе го наследи Кир Стармер на двете функции по неговата оставка минатиот месец.

Педесет и шестгодишниот Бернам ќе биде седмиот британски премиер за десет години, што се случува во периодот на подем на популистичката партија Реформа на Најџел Фараж. Неговиот избор беше очекуван откако другите потенцијални кандидати рекоа минатата недела дека нема да го предизвикаат. Тој беше номиниран од 379-мина лабуристички пратеници од вкупно 403.

Тој беше пратеник во британскиот парламент од 2001 до 2017, кога беше стана градоначалник на Манчестер, што му го донесе прекарот „кралот на северот“. За пратеник повторно беше избран минатиот месец, што му го отвори патот кон премиерската функција.