Украинската војска соопшти дека оштетила шест руски воени авиони „Су-34М“ во ноќен напад врз аеродромот во Борисоглебск во рускиот регион Воронеж.

Во соопштение на Телеграм, генералштабот на украинската војска соопшти дека потврдил штета од различен степен на сите шест авиони. Сателитските снимки направени денеска покажуваат докази за уништувања на аеродромот.

„Су-34М“ е голем ловец-бомбардер, чија цена е десетици милиони долари. Русија често ги користи за фрлање разорни лизгачки бомби врз украинските градови во близина на фронтот.

Украинската влада соопшти дека во нападот го користела својот крајбрежен ракетен систем „Нептун“.