Д-р Димитар Ангелевски е нов директор на Државниот санитарен и здравствен инспекторат (ДСЗИ), соопшти министерот за здравство Сашо Клековски. Д-р Ангелевски е именуван од Владата, по предлог на Клековски. Тоај доаѓа на местото на досегашниот директор, д-р Кирил Лазов.
Д-р Ангелевски е доктор по општа медицина од Медицинскиот факултет при Универзитетот „Свети Кирил и Методиј“ (УКИМ) во Скопје и специјалист по ортопедија. Работел во Здравствениот дом Скопје во Службата за итна медицинска помош.
Бил директор на Медицинскиот симулациски центар и, како што вели Клековски, е признат едукатор за обуки од областа на итната медицина.



